Հայաստանի շախմատիստները դուրս մնացին Եվրոպայի առաջնության մեդալների համար պայքարից

37

Հայաստանի տղամարդկանց շախմատի չեմպիոն Հովհաննես Գաբուզյանը չդիմացավ Ռեյկյավիկում ընթացող շախմատի Եվրոպայի անհատական առաջնության չեմպիոնական մրցավազքին: 

Մեր գրոսմայստերը նախավերջին` 10-րդ տուրում, պարտվեց իտալացի Դանիելե Վոկատուրոյին և 4-րդ տեղից նահանջեց 16-րդ հորիզոնական: Նա արդեն 1 միավորով ետ է մնում հինգ շախմատիստներից, ուստի այլևս չի հավակնում նաև մրցանակային տեղերին:

Հովհաննես Գաբուզյանի նման 6,5-ական միավոր ունեն նաև Ռոբերտ Հհովհաննիսյանը, Գաբրիել Սարգսյանը և Հայկ Մարտիրոսյանը: Սամվել Տեր-Սահակյանը ունի 5,5 միավոր: 

Այսօր կկայանան վերջին` 11-րդ տուրի պարտիաները: Հովհաննես Գաբուզյանը սպիտակներով կմրցի գերմանացի Ալեքսանդր Դեմչենկոյի, իսկ Գաբրիել Սարգսյանը` թուրք Վահապ Սանալի հետ: Հայկ Մարտիրոսյանը սրերով կխաղա դանիացի Յեսպեր Սոնդերգարդի, իսկ Ռոբերտ Հովհաննսիյանը` վրացի Լուկա Պայչաձեի հետ: Հաղթանակի դեպքում նրանք տեղ կզբաղեցնեն 4-20-րդ հորիզոնականներում և դրամական պարգև կստանան: