Ռուսաստանն ու Թուրքիան քննարկում են գազի տարանցման երկարաժամկետ համաձայնագրի կնքումը

92

Ռուսաստանը և Թուրքիան բանակցություններ են վարում գազի տարանցման վերաբերյալ երկարաժամկետ համաձայնագրի շուրջ, հայտնել է ՌԴ փոխվարչապետ Ալեքսանդր Նովակը:

Նրա խոսքով՝ ռուս-թուրքական միջկառավարական հանձնաժողովի շրջանակներում աշխատանքային խումբը քննարկել է ռուսական Газпром экспорт և թուրքական Botas ընկերությունների միջև առկա հարցերը:

«Խոսքը երկարաժամկետ [գազի] տարանցման պայմանագիր կնքելու մասին է», ասել է նա՝ չբացահայտելով պայմանագրի մանրամասները:

Ռուսաստանը Թուրքիային գազ է մատակարարում Սև ծովով անցնող «Թուրքական հոսք» գազատարով: Գազատարի նախագծային հզորությունը 31,5 միլիարդ խորանարդ մետր տարեկան գազ է, այն նախատեսված է Թուրքիա և Հարավային և Հարավարևելյան Եվրոպայի երկրներ գազ մատակարարելու համար`Թուրքիայի տարածքով տարանցիկ փոխադրման համար, հայտնում է ՏԱՍՍ-ը: