Ադրբեջանում թուրքական ռազմաբազա՞

84

Թուրքիայի իշխանությունը տարբեր առիթներով չի թաքցրել իր մտադրությունըՙ Ադրբեջանում թուրքական ռազմաբազայի կառուցման մասին: Վերջերս Ադրբեջան կատարած այցի ժամանակ այդ թեմային անդրադարձել էր նախագահ Ռեջեփ Թայիփ Էրդողանը: Երեւան-Մոսկվա տեսակամուրջի ժամանակ, Սպուտնիկ-Արմենիայի սրահում, անդրադառնալով այս հարցինՙ ՌԴ Դաշնության խորհրդի միջազգային գործերի հանձնաժողովի նախագահի առաջին տեղակալ Վլադիմիր Ջաբարովը, սակայն, նշել է, որ դա հազիվ թե դուր գա Ռուսաստանին, քանի որ ՆԱՏՕ-ի անդամ Թուրքիայի ռազմաբազայի հայտնվելն իր գործընկեր, նախկինում «եղբայրական հանրապետություն» երկրում Ռուսաստանի համար շատ բացասաբար կընկալվի:

Ջաբարովը նաեւ տեսակետ է հայտնել, որ Թուրքիան հազիվ թե այդպիսի գաղափարի իրագործմամբ ուզենա փչացնել հարաբերություններն իր հյուսիսային մեծ հարեւանի հետ: Մնում է հասկանալՙ ինքը, Բաքուն, ի՞նչ է մտածում իր տարածքը թուրքական ռազմաբազայի վերածելու այս տուրեւառի մասին: