Բաքվի դատարանը հրապարակել է շիրակցի 14 գերիների շինծու գործով դատավճիռը.ՀԵՏՔ

74

Բաքվի դատարանը հրապարակել է շիրակցի 14 գերիների շինծու գործով դատավճիռը։ Այդ մասին հայտնում են ադրբեջանական լրատվամիջոցները։ Ըստ այդմ, գերիներ Հրաչ Ավագյանն ու Գեղամ Սերոբյանը դատապարտվել են 4 տարվա ազատազրկման, իսկ մյուս 12-ը՝ 6 ամիս ազատազրկման։ 

Հիշեցնենք, որ շիրակցի 14 գերիների շինծու դատական գործի շրջանակներում մեղադրյալի աթոռին էին հայտնվել Գեղամ Սերոբյանը, Հրաչ Ավագյանը, Արմեն Բաղասյանը, Գոռ Գասպարյանը, Կամո Սեֆիլյանը, Վոլոդյա Հակոբյանը, Գևորգ Ասերտյանը, Սիսակ Ենգոյանը, Ալբերտ Պետրոսյանը, Ռոմիկ Սեդրակյանը, Արամ Մինոսյանը, Մկրտիչ Մինոսյանը, Էդգար Մաթեսյանը և Յուրա Կարապետյանը։ 

Ավելի վաղ, մեղադրող դատախազը դատարանից խնդրել էր Հրաչ Ավագյանի և Գեղամ Սերոբյանին դատապարտել 5 տարվա ազատազրկման, իսկ մյուսներին՝ 2 տարվա։ Այդուհանդերձ, դատարանի որոշմամբ Հրաչ Ավագյանն ու Գեղամ Սերոբյանը դատապարտվեցին 4, իսկ մյուս 12 գերիները՝ 6 ամիս ազատազրկման։ 

Գերիները դատապարտվել են միայն մեկ հոդվածով՝ սահմանի անօրինական հատում։ Դատախազը դատարանին խնդրել է մեղադրանքից հանել մյուս հոդվածները, որոնք ավելի վաղ ներկայացվել էին հայ գերիներին։ Հիշեցնենք, որ այդ հոդվածների թվում էին ահաբեկչական գործողությունները, զենքի ապօրինի ձեռքբերումը և այլն։ 

hetq.am