Թրամփը Ռուսաստանին անվանել է Ժնևի գագաթնաժողովի միակ հաղթող

58

ԱՄՆ նախկին նախագահ Դոնալդ Թրամփը ասել է, որ Վաշինգտոնը ոչինչ չի ստացել Ռուսաստանի և ԱՄՆ առաջնորդների հանդիպումից, իսկ Մոսկվայի համար հանդիպումը լավ է անցել:

«Մենք ոչինչ չստացանք, բեմը տվեցինք Ռուսաստանին, ոչինչ չստացանք»,- ասել է նա Fox News-ին տված հարցազրույցում:

Թրամփը հավելել է, որ ԱՄՆ-ն ի վիճակի չէ կանգնեցնել «Հյուսիսային հոսք-2»-ի շինարարությունը, ինչը կարևոր էր անել:

Ըստ նախկին նախագահի՝ գագաթնաժողովում Ռուսաստանը հաղթել է: «Կարծում եմ՝ լավ օր էր Ռուսաստանի համար», – ասել է նա:

Թրամփը նաև ասել է, որ ԱՄՆ-Ռուսաստան հարաբերությունները կարող են «անհավատալի» լինել: «Նրանց պետք է տնտեսությունը, և մեզ պետք է այն, ինչ նրանք ունեն: Նրանք հանքային ռեսուրսների տեսանկյունից շատ արժեքավոր հող ունեն»,- ասել է նա:

Միևնույն ժամանակ, Սպիտակ տան նախկին ղեկավարը հայտարարություն է տարածել այն մասին, որ ինքը լավ է շփվել Վլադիմիր Պուտինի հետ: «Բայց ինձանից ոչ ոք ավելի կոշտ չէր Ռուսաստանի հետ»,- ասել է Թրամփը: