«Հեղափոխականներին», ուղիղ եւ փոխաբերական իմաստով, պետք է աղբամանն ուղարկել. Ստեփան Դանիելյան

101

Հայաստանում պետական ու քաղաքական ճգնաժամի զուգընթաց ավելի խորքային ու ավելի վտանգավոր ճգնաժամ է սկսվել’ ազգային ինքնության ճգնաժամ։  Այս մասին ֆեյսբուքյան իր էջում գրել է քաղաքագետ Ստեփան Դանիելյանը:

«Վերջին երեսուն տարվա ընթացքում երեք հիմնական հենասյուների վրա է կառուցվել ազգային ինքնությունն’ Անկախություն, Արցախ եւ Հաղթանակ։

Ազգային ինքնությունը պետք է տարբերել էթնիկ ինքնությունից, Ազգը քաղաքական կատեգորիա է, պետական ինքնության շուրջը կազմակերպման միջոցով։

Մենք ազգային ինքնության այդ երեք հենքերը կորցրեցինք ու շատերն իրենք իրենց հարց են տալիս. մնում ենք այստեղ, որ ինչ անենք։

Սա ընտրություններով, նոր կառավարությունով ու արդեն ակնհայտորեն խոտան կազմով նոր խորհրդարանով ուղղվելիք խնդիր չէ։

Իրականում մեր հավաքական միտքն է պարտվել եւ մտքի ոլորտում էլ կարող ենք վերականգնվել’ եթե կարող ենք, այսինքն մենք կանգնած ենք նոր ինքնություն ստեղծելու խնդրի առջեւ։

«Հեղափոխականներին», ուղիղ եւ փոխաբերական իմաստով, պետք է աղբամանն ուղարկել, դա անհրաժեշտ, բայց բավարար պայման չէ»։