Ստեփանակերտում բարեկարգման և կանաչապատման աշխատանքներ են իրականացվում

62

Ակադեմիկոս Թախթաջյանի անվան «Ստեփանակերտի բուսաբանական այգի» ՓԲ ընկերության կողմից մայրաքաղաքի տարբեր հատվածներում իրականացվում են ծաղիկների տնկման աշխատանքներ:

«Արցախպրես»-ի թղթակցի հետ զրույցում ընկերության տնօրեն Գագիկ Ավանեսյանն ասել է, որ ամեն տարվա մայիսին Ստեփանակերտում բարեկարգման և կանաչապատման աշխատանքներ են իրականացնում:

Բնութագրությունը հասանալի չէ

Նրա խոսքով՝ ծաղիկները բերվում են հիմնականում Երևանից: «Արդեն տասը տարի է, ինչ Արցախում ստեղծվել է տնկարանային և ջերմոցային տնտեսություն, որը հնարավորություն է տալիս մեծ թվով ծաղիկներ տնկելու։ Մենք էլ հետպատերազմական շրջանում ավելի մեծ պատասխանատվությամբ ենք կատարում մեր աշխատանքը՝ դա համարելով հայրենիքի հանդեպ մեր նվիրումի դրսևորում»,- ավելացրել է Գ. Ավանեսյանը:

Բնութագրությունը հասանալի չէ