«Չհասկացա՞նք, ուրեմն ավելի վատ է լինելու։ Ավելի մեծ աղետ է պատելու մեզ․․․»․ Հրանտ Մելիք–Շահնազարյան

81

Հրանտ Մելիք–Շահնազարյանը ֆեյսբուքյան իր էջում գրում է․ «Գիշերը երկար եմ մտածել մեր իրականության մասին։ Ցավոտ եզրակացությունս մեկն է՝ Նիկոլը դեռ անելիք ունի մեր երկրում։ Նիկոլի դասերը դեռ բոլորը չեն հասկացել…

Դեռ 2018թ. նոյեմբերին եմ վերջնականապես համոզվել, որ հայ ժողովուրդը չի կարողանալու խուսափել պատժից։ Համոզվել ու գրել եմ դրա մասին։ Հիմա էլ նստած փորձում եմ հասկանալ՝ այդ ո՞նց եղավ, որ նույնիսկ պատիժը չհասկացանք։ Ուշքի չեկանք։

Չհասկացա՞նք, ուրեմն ավելի վատ է լինելու։ Ավելի մեծ աղետ է պատելու մեզ։ Ու մեր ժողովուրդն արժանի կլինի դրան։

Եվ քանի դեռ այս հարվածները, այս ողբերգությունը չի ստիպում մեզ անկեղծանալ, ներս նայել ու վերջապես ազատվել հպարտության մահացու մեղքից, ուրեմն Նիկոլը իսկապես դեռ անելիք ունի։

Այդպես է։ Նա մեր տգիտությամբ ու մեծամտությամբ է սնվում»։