Իրանում ՀՀ դեսպանը հանդիպում է ունեցել իրանահայ գիտնականների հետ

103

ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունել է իրանահայ գիտնականներ մաթեմատիկոս Մկրտիչ Թումանյանին, ֆիզիկոս Շանթ Բաղրամյանին և էլեկտրոտեխնիկական գիտությունների պրոֆեսոր Գևորգ Կարապետյանին:

Հանդիպման սկզբում դեսպան Թումանյանը շնորհավորել է Իրանի ակադեմիայի կողմից ֆիզիկայի ոլորտում անցկացվող ամենամյա մրցանակաբաշխության հաղթող և ընթացիկ տարվա լավագույն երիտասարդ հետազոտող ճանաչված դոցենտ Շանթ Բաղրամյանին՝ մաղթելով նրան բեղմնավոր աշխատանք և հաջողություններ:

Այնուհետև զրուցակիցները խոսել են կրթության և գիտության ոլորտում իրանահայ մասնագետների գործունեության և ունեցած ձեռքբերումների մասին: Հատկապես անդրադարձ է եղել երիտասարդ գիտնականների և տարբեր ոլորտների մասնագետների աշխատանքին, ինչպես նաև գիտության, կթության և տեխնոլոգիաների ոլորտում Հայաստան-Իրան հարաբերությունների զարգացման հնարավորությունների վերաբերյալ:
Պայմանավորվածություն է ձեռք բերվել առաջիկայում առավել ընդլայնված ձևաչափով կազմակերպել հանդիպում իրանահայ երիտասարդ գիտնականների և բարձր տեխնոլոգիաների ոլորտի մասնագետների հետ: