5 միլիարդ 350 միլիոն դրամ վաճառքից պիտի փոխանցել Աննայի հիմնադրամին. ո՞ւր են Գոլդեն Փելեսից գոյացած միջոցները. Դեժավյու

138

«Դեժավյու» տելեգրամյան ալիքը գրում է. «Գույքի բռնագանձման ու դրա վաճառքից ստացած միջոցները ժողովրդին բաժանելու կոչերով իշխանության եկացած Նիկոլ Փաշինյանի վրա «թթվել» է Ծաղկաձորի Գոլդեն Փելես հյուրանոցը:

Փողեր բաժանել խոստացող ու մեծ-մեծ փռթող Փաշինյանը ոչ միայն մեկ հյուրանոցի հարց չկարողացավ լուծել, այլ նաեւ լրացուցիչ բեռ ստեղծեց ժողովրդի հաշվին պահվող բյուջեի վրա:

Բայց դա դեռ ամենավատը չէ, հարց է առաջանում՝ լավ բա ինչու՞ չի վաճառվում հյուրանոցը: Միթե ոչ մի գործարար չկար ամբողջ աշխարհում, ով կուզենար գնել այն:

Գոլդն Փելես հյուրանոցի վաճառքի համար առաջին աճուրդը նախատեսված էր 2019 թվականի դեկտեմբերի 19-ին, որի ժամանակ նախնական գին էր սահմանվել 7 մլրդ 526 մլն 457 հազար 800 դրամ: Աճուրդը սակայն տեղի չի ունեցել, քանի որ գնման որեւէ հայտ չի եղել:

Երկրորդ աճուրդը, որը նախատեսված էր 2020 թվականի փետրվարի 21-ին, եւս չի կայացել նույն պատճառաբանությամբ՝ չնայած նրան, որ գինը սահմանվել էր նախորդից 5 տոկոս պակաս՝ 7 մլրդ 150 մլն 135 հազար դրամ:

Գործարարներ, իհարկե շատ կան, բայց նրանցից ոչ ոք հիմար չէ, քանզի «շուստրի» նիկոլականներն այնպիսի թիվ են կրակում, որ կարողանան թե՛ մուծվել Աննայի հիմնադրամին եւ թե՛ բյուջեում էլ որոշակի բան ցույց տալ:

ՔՊ-ամերձ շրջանակներից մեր աղբյուրները վկայում են, որ խնդիր է դրված 5 միլիարդ 350 միլիոն դրամ հյուրանոցի վաճառքից փոխանցել Աննայի հիմնադրամին եւ սա է գլխավոր պատճառը, որ չեն կարողանում բիզնեսի համար ողջամիտ գնով աճուրդ անցկացնել:

Այո բարեկամներ, ամբողջ կյանքում փողով հոդված գրած Նիկոլ Փաշինյանը փողեր վերադարձնելու իր մոդելն ունի, ճիշտ է դեռեւս մոտը լավ չի ստացվում, բայց ստացվելու դեպքում էլ միամիտ չլինեք ու անիմաստ հույսեր չփայփայեք, որ ձեզ դրանից գեթ մի գրոշ կհասնի»։