ԱԺ աշխատակիցները միանվագ դրամական պարգև են ստացել. պատգամավորները չեն ստացել

133

Ազգային ժողովի կայքը տեղեկացնում է, որ ԱԺ նախագահը ԱԺ բոլոր աշխատակիցներին խրախուսել է միանվագ դրամական պարգևատրմամբ։

«ՀՀ Ազգային ժողովի նախագահը, ղեկավարվելով ՀՀ ԱԺ կողմից  2013 թ.  ընդունված «Պետական ծառայության պաշտոններ զբաղեցնող անձանց վարձատրության մասին» ՀՀ օրենքի 22-րդ հոդվածով՝ համաձայն որի՝ ԱԺ աշխատակիցների պարգեւատրումը պետական ծառայողների պարգեւատրման ֆոնդից առաջին կիսամյակի համար տրվում է մինչեւ հուլիսի 30-ը, իսկ երկրորդ կիսամյակի համար` մինչեւ հաջորդ տարվա փետրվարի 15-ը, ԱԺ բոլոր աշխատակիցներին խրախուսել է միանվագ դրամական պարգեւատրմամբ:

Ընդգծենք, որ ՀՀ ԱԺ պատգամավորները չեն պարգեւատրվել»,– ասվում է ԱԺ կայքում զետեղված հաղորդագրությունում։