Twitter-ը պաշտոնական հաշիվներ է հանձնել Բայդենի թիմին

77

Ջո Բայդենի կողմից ԱՄՆ նախագահի պաշտոնը ստանձնելուց հետո Twitter-ը նրան է հանձնել պաշտոնական @POTUS հաշվի կառավարման ղեկը:

Սոցիալական ցանցը Բայդենի թիմին փոխանցել է Սպիտակ տան բոլոր պաշտոնական հաշիվների վերահսկողությունը եւ ակտիվացրել է նոր @SecondGentleman հաշիվը՝ փոխնախագահ Քամալա Հարիսի ամուսնու համար:

Ըստ Twitter-ի՝ Սպիտակ տան, նախագահի, փոխնախագահի, առաջին տիկնոջ եւ Սպիտակ տան մամուլի քարտուղարի հաշիվները «ժառանգել են իրենց նոր ինստիտուցիոնալ անունները»: Մինչ Բայդենի կողմից պաշտոնի ստանձնումը հաշիվներում տեղադրված թվիթները կարխիվացվեն, իսկ Թրամփի կառավարման ընթացքում հետեւորդ դարձածները ավտոմատ կերպով չեն պահվի հաշիվներում:

«Չի կարելի վատնել ժամանակը, երբ բանը վերաբերվում է մեր առջեւ ծառացած ճգնաժամերին: «Այդ իսկ պատճառով ես այսօր գնում եմ Օվալաձեւ սենյակ՝ անմիջապես սկսելու համար աշխատանքները՝ համարձակ գործողություններ եւ անհապաղ օգնություն առաջարկելով ամերիկյան ընտանիքներին»:

Իր @VP հաշվին տեղադրված գրառման մեջ Հարիսը գրել է «Պատրաստ եմ աշխատանքի»: Իր @SecondGentleman պրոֆիլում Դուգլաս Էմհոֆն իրեն անվանել է հպարտ ամուսին:

Բայդենի թիմը ժառանգել է նաեւ @WhiteHouse, @PressSec եւ @FLOTUS պաշտոնական հաշիվները:

News.am