Ո՞ր հատվածներից են հայտնաբերվել զոհված զինծառայողների մարմինները. ներկայացնում է անհետ կորածի հարազատը

137

Երեկ որոնողական աշխատանքների արդյունքում բերվել է 8 մարմին: Այս մասին ֆեյսբուքյան իր եթերում հայտարարել է անհետ կորած զինծառայողներից մեկի հարազատը՝ Արսեն Ղուկասյանը, որը ներկայացրել է, թե մարմիններից քանիսը որտեղ են հայտնաբերվել:

Մասնավորապես՝ երկու մարմին բերվել է Հադրութի Քոշբեկ տարածքից (մեկը քաղաքացիական անձ), 4 մարմին՝ Ջաբրայիլի Պիրախմեդլի տարածքից, մեկ մարմին հանել են Պիրախմեդլիից դեպի Արա լեռ հատվածից, եւս մեկ մարմին՝ Դավիթ Բեկից:

Ղուկասյանն ընդգծել է, որ այսօր որոնումների համար մեկնելու են Հադրութ, Ջաբրայիլ, Նյուվադի, գուցե նաեւ՝ Կուբաթլի:

«Ողջ զինծառայողների խմբերի որոնումների վերաբերյալ ուղղություն չենք հայտարարում: Վաղը պատրաստվում ենք մեր տղերքից 2-3 հոգով գնալ Երեւան: Մարդիկ կան, որոնց հետ պետք է խոսենք նույն հարցերի վերաբերյալ: Կարող է Երեւանում բոլոր ծնողներով հանդիպենք, խոսենք»,- հայտնել է նա:

blob:https://www.facebook.com/56ca2b8c-34be-49f3-992f-70e4f5a1f2ae