Իսրայելն իր առջեւ դրել է միջուկային էսկալացիայի դեպքում Իրանի դեմ «ռազմական տարբերակի» մշակման խնդիր. լրատվամիջոց

80

Իսրայելցի զինվորականներին հանձնարարվել է ձեւավորել Թել Ավիվին Թեհրանի ենթադրյալ սպառնալիքին հակազդելու «տարբերակներ», ներառյալ Իրանի դեմ ռազմական գործողությունների հնարավորությունը, Hayom պարբերականին ասել է Իսրայելի պաշտպանության նախարար Բենի Գանցը:

«Վերջին տարիներին Իրանն առաջընթացի է հասել հետազոտությունների եւ մշակումների ոլորտում, ինչպես հարստացվող նյութերի առումով, այնպես էլ հարձակողական հնարավորությունների, եւ նա ռեժիմ ունի, որն իսկապես ցանկանում է միջուկային զենք ունենալ»,- ասել է Գանցը:

«Ակնհայտ է, որ Իսրայելը պետք է ռազմական տարբերակ ունենա: Դա ռեսուրսներ եւ ներդրումներ է պահանջում, եւ ես աշխատում եմ այն ուղղությամբ, որ դա տեղի ունենա»,- հավելել է նա:

Ընդ որում՝ Գանցը չի հստակեցրել, թե ինչպիսին են իր աշխատանքի հետեւանքները կամ որքանով է ծրագիրը ավարտվելուն մոտ:

Hayom պարբերականը նշում է, որ Իսրայելի Պաշտպանության ուժերի Ռազմավարության եւ «երրորդ շրջանի» վարչությունը, որը հայտնի է նաեւ որպես «իրանական վարչություն», կոչված էր մշակելու երեք տարբերակ, որոնց միջոցով Իսրայելը կկարողանար խափանել Իրանի ենթադրյալ միջուկային ջանքերը: Ասում են, որ «ռազմական տարբերակի» համար կպահանջվի միլիարդավոր շեքելի լրացուցիչ պաշտպանական ծախսեր:

Որպես Իրանի ենթադրյալ ագրեսիվ մտադրությունների ապացույց Իսրայելը նշում է Թեհրանի վերջին միջուկային գործունեությունը, ներառյալ ուրանի հաստացումը 4 կամ 5 տոկոսից մինչեւ 20 տոկոս մեծացնելը, ինչպես նաեւ ռեակտիվ վառելիքի համար մետաղական ուրանի արտադրության ծրագրերը, ընդ որում՝ այս երկու գործողությունն էլ խախտում են միջուկային գործարքը, որը կնքվել էր Համատեղ համապարփակ գործողությունների ծրագրի շրջանակում, փոխանցում է AMN News-ը: