Զախարովա․ Պետք է անմիջապես արձագանքել սոցցանցերում պաշտոնական հաշիվների արգելափակումներին

87

Սոցիալական ցանցերում քաղաքական գործիչների, կազմակերպությունների և ԶԼՄ-ների պաշտոնական էջերը արգելափակելու խնդիրը պահանջում է անհապաղ արձագանք` այդ կայքերին պատկանող ընկերությունների ղեկավարության համար անհարմարության իրավիճակ ստեղծելու համար: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան «Ռոսիա -24» հեռուստաալիքի եթերում:

 «Եթե արևմտյան հանրությունը պարզապես սարսափում է սոցիալական ցանցերում տեղի ունեցող կամայականությունից, ապա մենք երկար ժամանակ գործ ունենք դրա հետ: Արգելափակվել են մեր ներկայացուցիչների, առաքելությունների, քաղաքական գործիչների և լրատվամիջոցների պաշտոնական հաշիվները: Այս պահին ամենակարևորը արգելափակմանն անմիջապես արձագանքելն է՝ ուշադրություն հրավիրելով դրա վրա», – ասել է Զախարովան: Դիվանագետը շեշտել է, որ դա «սոցիալական ցանցերի համար անհարմարության իրավիճակ» ստեղծելու միակ միջոցն է: