«Մորդ դնեմ դոշիդ… սաղիդ վառելու եմ». Շիշ բռնողը խուժանի պես է պահել իրեն

79

ՀՀ Ազգային ժողովի պատգամավոր, իշխանական «Իմ քայլը» խմբակցության անդամ Հայկ Սարգսյանը՝ հայտնի Շիշ բռնողը, քաղաքացու հետ գրագրության ժամանակ իրեն պահել է փողոցային խուժանի պես: Քաղաքացի Հրաչ Մելքումյանը ֆեյսբուքյան էջում հրապարակել է Շիշ բռնողի՝ սեռական բնույթի հայհոյանքներով լի սպառնալիքը: Հրապարակման բառամթերքից դատելով՝ Շիշ բռնողը տարրական ինքնատիրապետումից զուրկ շարքային խուլիգան է, որն իրեն քննադատող քաղաքացիների հետ շփումներում սպառնում է աջուձախ վառել բոլորին:

Բնականաբար, քաղաքակիրթ երկրում Շիշ բռնողը պետք է ոչ միայն հասարակական պարսավանքի արժանանար ու մերժվեր, այլև նրանով պետք է զբաղվեին և՛ ԱԺ էթիկայի հանձնաժողովը, և՛ իրավապահ մարմինները, քանի որ նա սպառնում է վառել մարդկանց:

Շիշ բռնողը կշարունակի սեփական հայրենակիցների հանդեպ իրեն պահել փողոցային անբարոյականի նման այնքան ժամանակ, քանի դեռ երկրում պետական ինստիտուտներ գրեթե գոյություն չունեն, իսկ  դրանց ուրվականների ղեկավարները դավադրաբար ծառայում են Նիկոլ Փաշինյան – Աննա Հակոբյան զույգի կործանարար քմահաճույքներին:

Վ. Սարգսյան