Տերեւաթափ…
Բաց դաշտերում կռվող տղերք,
Խրամատներ բազում-բազում,
Բաց դաշտերում թափված դիեր’
Տերեւաթափ…
Բազում-բազում զինվորիկներ
Ու թեւաթափ…
Անտառներում,
Բաց դաշտերում,
Սեգ սարերում տերեւաթափ…
Դեմքին խփվող անսանձ քամի.
Ու քամու հետ տերեւաթափ…
Երկինքն ի վեր
Երկինքն ի վար տերեւաթափ,
Աչքերն ի վար անձրեւի հետ տերեւաթափ…
Բողոքի մեջ,
Աղոթքի մեջ,
Լույսերի մեջ տերեւաթափ…
Ու իմ ազգի հոգին ի վեր
Հոգին ի վար տերեւաթափ…
Հազարամյա երկրիս մի ա’փ
Այս շները ոնց դարձրին
Տերեւաթափ…
Տերեւաթափ…
Տերեւաթափ…
Աշոտ Մինասյան
Մ.Ա.Հ.
ք. Սիսիան
31.12.2020թ
23։59
