Թուրքիան և ԵՄ-ն փորձում են դրական մթնոլորտ ստեղծել հարաբերություններում

156

Թուրքիան և Եվրամիությունը մի շարք փոխադարձ քայլեր են ձեռնարկել՝ փորձելով ստեղծել դրական միջավայր հարաբերություններին աջակցման համար. ասել է Թուրքիայի արտգործնախարար Մևլյութ Չավուշօղլուն:«Վերջերս ձեռնարկված որոշ փոխադարձ քայլերով մենք փորձում ենք ավելի դրական մթնոլորտ ստեղծել»,- նրա խոսքերն է մեջբերում Hurriyet-ը:

Հիշեցնելով նախագահ Ռեջեփ Թայիփ Էրդողանի, Եվրոպական խորհրդի նախագահ Շառլ Միշելի և Գերմանիայի կանցլեր Անգելա Մերկելի` վերջերս կայացած հեռախոսազրույցները՝ Չավուշօղլուն նշել է, որ ինքը բանակցություններ է վարել ԵՄ արտաքին գործերի նախարար Ժոզեպ Բորելի և այլ արտգործնախարարների հետ՝ դրական հարաբերություններ հաստատելու ուղիներ ձևավորելու համար:

«Մենք աշխատում ենք ապագայի ճանապարհային քարտեզի վրա»,- ասել է նա:Թուրք նախարարը նշել է, որ Թուրքիան իր նկատմամբ բացասական վերաբերմունք ունեցող որոշ երկրների հետ սկսել է աշխատել ճանապարհային քարտեզների վրա, նաև` ընդգծել, որ այդ երկրների հետ երկկողմ հարաբերություններն անհնար կլինեն, եթե վերաբերմունքը բացասական լինի:

Yerkir.am