Արցախում ոչնչացված ադրբեջանցիների ընտանիքներին, որպես փոխհատուցում, կտրվի ընդամենը 180 դոլար

215

Ադրբեջանի ազգային խորհրդի համակարգող կենտրոնի անդամ Գյուլթեքին Հաջիբեյլին, անդրադառնալով ադրբեջանցի «զոհվածների» ընտանիքներին որպես օգնություն հատկացվող գումարին, նշել է, որ Ադրբեջանի պաշտոնյաների աշխատավարձը սկսվում է 1000-1500 մանաթից (590-880 ԱՄՆ դոլար), նախագահի աշխատակազմի շարքային պաշտոնյայի աշխատավարձը`3000-4000 (1760-2350 ԱՄՆ դոլար), իսկ «շեհիդների» ընտանիքներին տրվում է 300 մանաթ (մոտ 180 ԱՄՆ դոլար):

Հաջիբեյլին շեշտել է, որ պաշտոնյաների որդիները չեն մասնակցել 44-օրյա պատերազմին: Նրանք, թաքնված լինելով Լոնդոնում և Դուբայում, սոցիալական ցանցերում մեկնաբանություններ են գրել այն մասին, որ հայրենիքը միայն աղքատների համար է, իսկ «նահատակ» լինելը բոլորին տրված երջանկություն չէ: Պատերազմի ավարտից անմիջապես հետո նրանք վերադարձել են և, դրոշներ թափահարելով, մասնակցել հաղթական երթերին: