Քաղաքացիները շարժվում են դեպի Ազգային Ժողով

223

Նիկոլ Փաշինյանի հրաժարականի պահանջով՝ քաղաքացիները շարժվում են դեպի ԱԺ: Հիշեցնենք, որ ժամը 16։00-ին Հայրենիքի փրկության շարժումը հավաքվելու է Ազգային ժողովի դիմաց։ Երեկ նրանք հայտարարություն էին տարածել.

«Սիրելի’ հայրենակիցներ,

անսալով Հայրենիքի փրկության շարժման կոչին՝ ՀՀ բազմաթիվ արժանապատիվ քաղաքացիներ այսօր խաղաղ քաղաքացիական անհնազանդության ակցիաներ են իրականացրել Հայաստանի ողջ տարածքում։ Վաղը շարունակում ենք նույն կերպ։ Նույն ոգով։ Նույն վճռականությամբ։

Օրվա երկրորդ կեսին՝ ժամը 16։00-ին, հանդիպում ենք ՀՀ Ազգային ժողովի դիմաց և ժողովրդի կամքը պարտադրում իշխող ռեժիմին։

Միասին փրկենք մեր Հայրենիքը: