ԱՀ ԱԺ նախագահի խորհրդական Աշոտ Ղուլյանն աշխատանքից ազատվելու դիմում է ներկայացրել

35

Հունիսի 10-ից Աշոտ Ղուլյանը ՀՀ ԱԺ նախագահի խորհրդականի պաշտոնն զբաղեցնող Աշոտ Ղուլյանն աշխատանքից ազատվելու դիմում է գրել։ Այս մասին տեղեկացրել է «Ֆեյսբուք»-ի իր էջի գրառմամբ՝ նշելով, որ աննպատակահարմար է համարում հետագա գործունեությունն այդ պաշտոնում, որովհետև այդ կարգավիճակում աշխատանքը կարող էր և պետք է լիներ ավելի արդյունավետ, առավել ևս վերջին շրջանում՝ պատերազմի օրերին: Աշոտ Ղուլյանը գրել է.

«Սիրելի՛ հայրենակիցներ,

ՀՀ Ազգային ժողով նախագահի խորհրդականի պաշտոնից ազատվելու դիմումը գրել եմ ավելի վաղ, բայց պայմանավորված պրն Արարատ Միրզոյանի առողջական վիճակի հետ, այն հանրայնացնում եմ հիմա, երբ արդեն որևէ վտանգ չի սպառնում նրա առողջությանը: Դիմումի մեջ շնորհակալություն հայտնելով Ա. Միրզոյանին վստահության համար՝ գրել եմ, որ աննպատակահարմար եմ գտնում իմ հետագա գործունեությունն այդ պաշտոնում, որովհետև այդ կարգավիճակում աշխատանքը կարող էր և պետք է լիներ ավելի արդյունավետ, առավել ևս վերջին շրջանում՝ պատերազմի օրերին:

Շնորհակալություն բոլոր գործընկերներիս: Շարունակելու եմ իմ ծառայությունը մեր հայրենիքի այս հատվածում»,- ընդգծել է Աշոտ Ղուլյանը:

Նա ՀՀ ԱԺ նախագահի խորհրդականի պաշտոնն զբաղեցնում էր հունիսի 10-ից։