Արծրուն Հովհաննիսյանը շարունակելու է աշխատել գիտական ոլորտում

43

Հանրությունը հաճախ է հարցնում՝ իսկ ո՞ւր է Արծրուն Հովհաննիեսյանը: Հայ ժողովրդի համար այս դժնդակ օրերին նա ոչ ֆեյսբուքյան գրառում է անում, ոչ հարցազրույցներ է տալիս: Քիչ առաջ ՊՆ ներկայացուցիչ Արծրուն Հովհաննիսյանը հաղորդագրություն  է տարածել.

 Այս պատերազմի ընթացքում ես վարել եմ չորրորդ հարթության` «տեղեկատվական հարթության» իմ մարտական գործողությունները: Ինչպես եմ այն վարել, կգնահատեն ժամանակն ու պրոֆեսիոնալ ուսումնասիրողը: Չկա մարդ, որ չի թերանում: Տեղեկությունները, որոնք ես տրամադրել եմ հանրությանը, հիմնականում հիմնված են եղել ՀՀ ԶՈւ ԳՇ և ԱՀ ՊԲ տեղեկագրերի վրա: Այո՛, համոզված եմ եղել, որ հաղթելու ենք, այդ համոզմունքս հիմնված է եղել նաև իմ շատ մարտական ընկերների վարած մարտերի վրա: Ամսի 9-ից ես հեռացել եմ այդ գործունեությունից: Շարունակելու եմ աշխատել գիտական ոլորտում և խնդրում եմ ինձ զերծ պահել տարբեր առաջարկներից: Քաղաքականությամբ չեմ զբաղվել ու չեմ պատրաստվում զբաղվել: Խոնարհվում եմ մեր հերոս նահատակների առաջ: Պետք է կյանքս ներդնեմ նոր սերնդի կրթության ու դաստիարակության մեջ: