Լեւոն Տեր -Պետրոսյանի արձագանքը՝ իսրայելցի մտավորականների հայտարարությանը

82

Հայաստանի առաջին նախագահԼեւոն Տեր- Պետրոսյանն  անդրադարձել է  իսրայելցի մի շարք գիտնականների տարածած հայտարարությանը:

«Ապշելու բան էր, թե ինչպես կարող է ահավոր ցեղասպանության զոհ դարձած մի ազգի կառավարություն, զուտ մերկանտիլ շահերից դրդված, ակտիվորեն սատարել մի այլ ազգի նկատմամբ կիրառվող բացահայտ ցեղասպանությանը: Իսրայելացի տասնհինգ մտավորականների հայտարարությունը հույս է ներշնչում, որ այդ երկրի հասարակությունը, ոտքի կանգնելով, վերջապես կստիպի սեփական կառավարությանը ներողություն խնդրել հայ ժողովրդից և հրաժարվել իր որդեգրած ամոթաբեր ու անմարդկային դիրքորոշումից:

Գոհացած եմ` հիշատակված հայտարարության ստորագրյալների շարքում տեսնելու իմ մտերիմ բարեկամ, Երուսաղեմի համալսարանի պրոֆեսոր, վաստակաշատ հայագետ Մայքլ Սթոունի անունը, որին հղում եմ ջերմ ողջյուններս»:

Հիշեցնենք, որ իսրայելցի մտավորականները բաց նամակով  իրենց մտահոգությունն էին հայտնել Լեռնային Ղարաբաղում տեղի ունեցող ռազմական գործողությունների վերաբերյալ՝ շեշտելով, որ այդ ռազմատենչությունն ուղղված է Արցախի Հանրապետության ռազմական եւ քաղաքացիական թիրախներին, հիմնականում հայկական բնակչության դեմ ու արժանի է միանշանակ դատապարտման: