Միշուստինը ժամանել է Հայաստան

35

Ռուսաստանի վարչապետ Միխայիլ Միշուստինը ժամանել է Հայաստան, որտեղ Եվրասիական տնտեսական միության (ԵԱՏՄ) երկրների գործընկերների հետ միասին մասնակցում է միջկառավարական խորհրդի նիստին: Միջոցառումը տեղի է ունենում Երևանի մարզահամերգային համալիրում:

Հանդիպման ընթացքում կառավարությունների ղեկավարները պետք է քննարկեն ԵԱՏՄ աշխատանքի արդիական հարցեր։

Հանդիպման մասնակիցները հատուկ ուշադրություն կդարձնեն սանիտարահամաճարակային իրավիճակին և ԵԱՏՄ երկրներում կորոնավիրուսի և այլ վարակիչ հիվանդությունների տարածումը կանխելու համապարփակ ծրագրի իրագործմանը:

Միշուստինը նախատեսում է Երևանում հանդիպել նաև ՀՀ վարչապետ Նիկոլ Փաշինյանի և իր բելառուս գործընկեր Ռոման Գոլովչենկոյի հետ: