Ռոբերտ Ապիկյանն ազատվեց պարտադիր զինվորական ծառայությունից, որպեսզի զբաղվի գիտությամբ

74

ՀՀ կառավարությունը սեպտեմբերի 17-ի նիստում որոշում կայացրեց շարքային կազմի պարտադիր զինվորական ծառայությունից ազատել Ռոբերտ Կարենի Ապիկյանին՝ ծնված 1994 թվականին:

Նախագծի ընդունման անհրաժեշտությունը պայմանավորված է Ռոբերտ Ապիկյանի՝ գիտական գործունեության ընթացքում  փորձնական մշակումներ իրականացնելու կարևորությամբ եւ ռադիոտեխնիկայի, ռադիոնավիգացիայի և կապի ոլորտում գործունեությունը շարունակելու հնարավորության ընձեռմամբ:

2020 թվականի հուլիսի 6-ին նա պաշտպանել է ատենախոսությունը, և նրան շնորհվել է տեխնիկական գիտությունների թեկնածուի գիտական աստիճան:

Ռոբերտ Ապիկյանը  2 տարի առաջ ՀՀ կառավարության որոշմամբ ստանալով տարկետում, ընդունվել և շարունակել է գիտահետազոտական գործունեությունս ՀԱՊՀ-ի «Հեռահաղորդակցական ցանցեր, սարքավորումներ և համակարգեր» մասնագիտությամբ ասպիրանտուրայում «Ռադիոսարքավորումներ» ամբիոնում:

Ռոբերտ Կարենի Ապիկյանը իր գիտական գործունեության ընթացքում մշակել և իրականացրել է բազմաթիվ հետազոտություններ ազդանշանների կոդավորման և դեկոդավորման ալգորիթմների ոլորտում, մասնավորապես ռադիոնավիգացիոն համակարգերում, դրանց մասին վկայում են նրա գիտական գործունեության ընթացքում տպագրված աշխատանքները, որոնք տպագրվել են հայկական, արտասահմանյան ամսագրերում և միջազգային «IEEE explore» գրադարանում: