Թուրքիայում հեղեղների պատճառով զոհվել է 6, անհետ կորել է 10 մարդ

82

Թուրքիայի Գիրեսուն նահանգի Դերելի շրջանում հորդառատ անձրևների հետևանքով 6 մարդ է մահացել, իսկ 10 մարդ համարվում է անհետ կորած։

Օգոստոսի 23-ին գրանցված տեղումների հետևանքով Աքսու գետը վարարել է, Գիրեսուն-Սիվաս ավտոմոբիլային ճանապարհը փակվել է երթևեկության համար։

Անվտանգության նկատառումներով տարածքում գտնվող մի շարք տների բնակիչներ տարհանվել են, Գիրեսունի նահանգապետը ճգնաժամային կենտրոն է ստեղծել։ Տարածքում որոնողական-փրկարարական աշխատանքները շարունակվում են։

Հեղեղը քշել-տարել է մի զինվորական ավտոմեքենա, որում 5 զինվորականներ են եղել, փրկարարները հայտնաբերել են նրանցից երկուսի դիերը։

Ermenihaber.am