Երևանի համար ձեռք կբերվի 100 հատ փոքր ավտոբուս

98

Երևանի քաղաքապետ Հայկ Մարությանը ֆեյսբուքյան էջում տեղեկացրել է, որ համայնքի բյուջեի միջոցներով ևս 100 փոքր չափսի ավտոբուս ձեռք կբերվի։

«Ինչպես գիտեք, ապրիլին ՎԶԵԲ ֆինանսավորմամբ հայտարարել ենք 12 մետրանոց 100 քաղաքային ավտոբուսների ձեռքբերման մրցույթ, որի արդյունքներն, ի դեպ, կամփոփվեն մոտ օրերս:
Իսկ այժմ, համայնքային բյուջեից ֆինանսական միջոցներ ենք հայթայթել՝  ավելի կարճ ժամկետում ավելի փոքր տարողունակությամբ եւս 100 ավտոբուսի ձեռքբերման համար»:

Քաղաքապետը ներկայացևրել է նոր մրցույթում մասնակիցների համար առաջադրված պայմաններից մի քանիսը`

 ցածր հատակ,

 հաշմանդամության սայլակի տեղավորման և տեղափոխման հնարավորություն

 ուղևորասրահում ջեռուցման և օդափոխման, կրակմարիչի առկայություն,

 վարորդի խցիկում քարտային տոմսավորման և GPS սարքերի միացման հնարավորություն

 ուղևորների տեղեկացման էլեկտրոնային ցուցատախտակի և կանգառների ավտոմատ հայտարարման սարքերի առկայություն,

 հաշմանդամություն ունեցող անձանց նստատեղերի և հաշմանդամության սայլակի հարևանությամբ կանգառի ազդանշանման կոճակ,

«Ակնկալում ենք, որ մոտակա ամիսներին փոքր չափսի ավտոբուսների այս խմբաքանակը կլինի Երևանում, իսկ մի քիչ ավելի ուշ մատակարարվող հաջորդ 100 հատ 12 մետրանոց ավտոբուսների հետ կունենանք արդեն նկատելի բարելավում մեր ամենաառանցքայիններից՝ հանրային տրանսպորտի ոլորտում»,-տեղեկացրել է Հայկ Մարությանը: