ՀԴԲ-ի հետ գործակցում են Ուհանի լաբորատորիայի նախկին աշխատակիցներ

135

Ուհանի լաբորատորիայի աշխատակիցները երկրից փախել են և համագործակցում են արևմտյան հատուկ ծառայությունների հետ։ Այդ մասին հայտարարել է ԱՄՆ նախագահի նախկին օգնական Սթիվ Բենոնը, որը փոխանցում է բրիտանական Sunday Mirror-ը։

Ըստ նրա՝ որոշ փախստակներ գործակցում են Հետաքննությունների դաշնային բյուրոյի (ՀԴԲ) հետ, որպեսզի փորձեն ի մի բերել այն, թե ինչ է տեղի ունեցել Ուհանի լաբորատորիայում։

Նրանք դեռևս մամուլին հարցազրույց չեն տալիս, Բայց Ուհանից և այլ լաբորատորիաներից կան մարդիկ, ովքեր եկել են Արևմուտք և ապացույցներ են ներկայացնում Չինաստանի կոմունիստական կուսակցության հանցավորության վերաբերյալ։

Այդ լաբորատորիաները մարդիկ լքել են փետրվարի կեսերին։ ԱՄՆ հետախուզությունը բրիտանական МI-5-ի և МI-6-ի հետ միասին փորձում են պատրաստել շատ մանրակրկիտ դատական գործ։

Ըստ gazeta.ru-ի, ապրիլին Նոբելյան մրցանակի ֆրանսիացի դափնեկիր Լյուկ Մոնտանյեն, որը ՄԻԱՎ-ի բացահայտման համար ստացել է միջազգային մրցանակ, հայտարարել է, որ կորոնավիրուսը ստեղծվել է լաբորատորիայում։ Նրա խոսքերով՝ SARS-CoV-2-ը մշակել են մոլեկուլյար կենսաբանները՝ վիրուսին ավելացնելով ՄԻԱՎ-ի մասնիկներ։